Haurrei buruzko albisteak

Basauriko haurtzaindegi batean meningitis kasua atzeman dute

Mon, 22 Sep 2008 11:58:53 +0000

Umea egoera egonkorrean ospitaleratuta dago eta gainerako haurrekin ze neurri hartuko beharko diren datozen orduetan erabakiko da.

EAEk Europako jaiotza-tasarik baxuenetakoa dauka

Wed, 27 Aug 2008 13:12:40 +0000

Euskal Autonomi Erkidegoan 9,5 jaiotza izan ziren mila biztanleko 2006. urtean, 27en Europar Batasuneko herriek 10,6ko bataz bestekoa lortu zuten bitartean.

Irakurri gehiago>> (www.eitb24.com)

Haurtzaroko elikadurak ondorengo garapenean eragin handia du

Wed, 13 Aug 2008 09:12:57 +0000

Haurtzaroan, lehenengo hiru urtetan, haurrari ematen zaion elikadurak ondorengo urteetan izango duen garapenean eragin handia duela ondorioztatu dute Ingalaterrako bi unibertsitatek egin duten ikerketa batean.

Hiru urterekin zabor-jana ugari jandako umeek (gatz eta azukre asko daukaten elikagai prozesatuak), garapen okerragoa izaten dute ondoren. Hau da, 6 eta 10 urte bitartean ohikoa den mailan egoteko %10 aukera gutxiago dute.

Ikerketa honen arabera, ondorengo urteetako elikadurak ez du eskola-garapenean hainbesteko eraginik.

1991an eta 1992an jaio ziren 14.000 umek hasieratik izan zuten elikadura aztertu dute ikerketa honetan. Horrez gainera, haurraren garapenean eragina izan dezaketen beste hainbat faktore hartu dituzte kontutan: gurasoen bizi-maila eta etxearen baldintzak.

Pauline Emmet ikerketa honen arduradunetako batek dioenaren arabera: “lehenengo jatorduetako ohiturek ondorengo garapenean eragina dutela, nahiz eta ondoren dieta hori aldatu”. Beraz, lehenengo egunetatik dieta orekatua emateko gomendatzen du.

Egun handia dute gaur haurrek Gasteizen

Thu, 7 Aug 2008 10:30:48 +0000

Zeledon txikiaren eta Neska txikiaren eguna da gaur Gasteizen eta, beraz, hiriko festazale gazteenek bereziki gozatzeko aukera izango duten hitzordua. Atzo, aurreko egunetako jendetzarik ez zen izan Gasteizko kaleetan, asteburua ondoan dagoela-eta, indarrak gorde behar baitira.

Gehiago irakurri>> www.gara.net</a>

Euskal Herriko haurrek futbolari edo mediku izan nahi dute handitzean

Tue, 5 Aug 2008 12:52:15 +0000

Adecco Fundazioak inkesta bat egin du 4 eta 7 urteko 100 haurrekin, etorkizuneko ilusioei eta lan asmoei buruz.

Egin dieten galderetako bat "handitan zer izan nahi" duten izan da. Erantzunak ezberdinak dira mutikoak ala neskak izan. Mutikoek futbolari (30%), ingeniari (15%), mediku (9%), abokatu (6%) edota suhiltzaile (6%) izan nahi dute. Neskak berriz, doktore (19%), irakasle (16%), ileapaintzaile (11%), arkitekto (8%) edota abeslari (8%) izan nahi dutela erantzun dute.

Horrez gainera, bokazioz lan egitea soldata ona irabaztea baino garrantzitsuagoa dela erantzun dute gehienek.

Cleopatra, 5 urteko kantari errumaniarra

Tue, 29 Jul 2008 11:23:22 +0000

Izugarrizko arrakasta izaten ari da Cleopatra Stratan, 5 urteko kantari errumaniarra. Beste behin ere Errekorren Guinnes Liburuan agertuko da "arrakastadun kantari gazteena" izateagatik. Eta horrela, mota honetako sei errekor edo titulu eskuratu ditu jada gaztetxo honek.

Hiru urterekin grabatu zuen bere lehenengo diskoa eta orduan eskuratu zituen lehenengo bi Guinnes errekorrak: disko bat grabatu eta zuzeneko kontzertua eman zuen kantari gazteena izateagatik.

Ondoren, ongien ordaindutako haur kantaria izendatu zuten. Izan ere, ongintzazko emanaldi bat egitearren 10.000 euro jaso zituen pieza bakar batengatik. Eta geroago, hiru MTV sari eta Errumaniako zerrendako lehen postura iristea lortu zuen. Duela gutxi, gainera, bere itxurako panpina eta jarri dute salgai Errumanian eta hiru egunetan 5.000 ale saldu dituzte.

Drogak utzi, ama izaten ikasteko

Tue, 29 Jul 2008 07:51:38 +0000

Uztailean inauguratu bazen ere, abendutik dago zabalik Haurtxoak, droga mendekotasunak dituzten amentzako eta haien haurrentzako zentroa. Mota honetako Euskal Herriko zentro bakarra da.

Irakurri gehiago>> (www.berria.info)

Kilometroak 2008ko abestia eta bideoklipa aurkeztu dituzte gaur

Tue, 22 Jul 2008 13:29:25 +0000

Datorren urriaren 5an, Iruran ospatuko den Gipuzkoako Ikastolen aldeko jaiaren abestia aurkeztu dute gaur Donostian.

“Oinarriak eraikitzen” du izena kantuak eta Aitor Mendiluze bertsolaria, kantuaren hitzez arduratu da, eta doinu zein ahotsa “Desordutan” musika taldearen eskutik datoz.

Toti Martinez de Lezeak haurrentzako lehen nobela argitaratu du

Wed, 16 Jul 2008 13:05:33 +0000

Toti Martinez de Lezea idazle bizkaitarrak Nur eta irlandar gnomoa izeneko umeentzako lehenengo nobela aurkeztu du gaur. Irakurtzen ikasten ari diren haurrei zuzendutako liburua da eta beraz, aditzak orainaldian daude irakurketa eta ulermena errazteko asmoarekin.

Euskaraz eta gaztelaniaz argitaratu dute. Lezeak azaldu duenez, "ilobari esker" otu zitzaion nobela hau idaztea. "Ez nuen berarentzako liburu egokirik aurkitzen, ipuinak eta ongi ilustratutako liburuak, soilik aurkitzen nituen, baina ez nobelarik".

Nur eta irlandar gnomoa nobelan oso kontakizun xumeak azaltzen dira. Larrabetzuko baserrian bilatu zuen Toti Martinez de Lezeak umeentzako lehenengo nobelarako istorioa. "Nagusiek saguak ikusten ditugun tokian, umeek ipotxak ikusten dituzte", dio idazleak. Nobela hau bilduma baten aurreneko alea izango da. "Nobelako haurra hazten dioan heinean, istorioak ere handitzen joango dira" azaldu du idazle bizkaitarrak.

"Haizea alde baita" lemapean, 2009ko Herri Urrats logoaren bila

Mon, 7 Jul 2008 10:13:01 +0000

Datorren urteko maiatzaren 10ean ospatuko da XXVI. Herri Urrats, Seaskako ikastolen aldeko jaia, eta honezkero, antolakuntza lanak hasita dagoz. Urteko leloa aukeratu ondoren, logoa sortzeko ordua da eta horregaitik lehiaketa berezia antolatu dau Seaskak 2009ko logoa asmetako.

Irakurri gehiago>> (www.bizkaie.biz)