Euskal Herriko etxe eta herrietara ez ezik, Etiopiaraino iritsi da aurten Olentzero. Kibebe Tsehay eskolara joan zen atzo, ilusioa eta margoak banatzera, eta haurrek oso pozik hartu zuten eskolan. Eskolen arteko lankidetza proiektuaren bidetik, Arturo Kanpion eta Ermitaberri eskolek antolatutako azoka solidarioetan lortutako diruarekin egin dituzte konponketak eskola horretan, eta elkartasunaren bide beretik jarraitu asmo dute aurrerantzean.